CRIMAEA

CRIMAEA

quae Tartaria minor, ab urbe Krim, in Taurica Chersoneso, continet totam hanc Chersonesum. Urbes praecipuae Theodosia, Chersonesus, Crimaea, Precopia, unde etiam Tartaria Precopensis dicitur et Baciasarm. Sub Turcis partim versus Meridiem, partim ipsis tributaria. Conditor Crimensis seu Precopensis Imperii fuit Azi Kirai, qui Schicachmetô Zare, filio Tucktamischi Imperatoris Tartariae desertae (a Tamerlane eversi) pulsô ex Tauriaca seu Crimeâ, se contra eum Regein Tartarorum appellavit. A'quo tempore Crimenses perpetuis excursionibus Lithuaniam, Poloniam Russiamque infestârunt: tributarii a Selymo facti circa A. C. 1584. et obnoxii redditi Imperio Turcico, quod in hanc diem agnoscunt. Vide Georg. Hornium, Orb. Imp. p. 435. et Iohann Baptistam Tavenier, in descr. Serralii.